तेरणा पब्लिक स्कूल मध्ये इको फ्रेंडली गणेश मूर्ती निर्मिती कार्यशाळा संपन्न

 तेरणा पब्लिक स्कूल मध्ये इको फ्रेंडली     गणेश मूर्ती निर्मिती कार्यशाळा संपन्न

उस्मानाबाद,

उस्मानाबाद येथील तेरणा पब्लिक स्कूलमध्ये पर्यावरण पूरक गणेश मूर्ती बनवण्याची कार्यशाळा दिनांक 29 ऑगस्ट रोजी प्राचार्य श्री विलास बचाटे यांच्या उपस्थितीत यशस्वीरित्या पार पडली. 

               सदर कार्यशाळेमध्ये चौथी ते सातवी पर्यंतच्या दोनशे विद्यार्थ्यांनी उत्स्फूर्तपणे सहभाग नोंदविला. माती, हळदी- कुंकू, नैसर्गिक रंग, जलरंग यांचा वापर करून विद्यार्थ्यांनी गणेश मूर्ती रंगविल्या व नंतर शाळेत त्याचे प्रदर्शन भरवण्यात आले. सदर प्रदर्शनास विद्यार्थी व पालक वर्गाने मोठा प्रतिसाद दिला. पर्यावरण पूरक गणेश मूर्ती बनवण्याच्या कार्यशाळेची संकल्पना प्राचार्य श्री. विलास बचाटे सर यांची होती तर मार्गदर्शन कलाशिक्षक अमोल शिंदे यांचे होते.

तेरणा पब्लिक स्कूल उस्मानाबाद येथे विविध उपक्रमाने भारतीय स्वातंत्र्याचा अमृत महोत्सव उत्साहात साजरा

 तेरणा पब्लिक स्कूल उस्मानाबाद येथे विविध उपक्रमाने भारतीय स्वातंत्र्याचा अमृत महोत्सव उत्साहात साजरा

उस्मानाबाद, 

येथील तेरणा पब्लिक स्कूलमध्ये स्वातंत्र्याचा अमृत महोत्सव उत्साहात संपन्न झाला संस्थेचे सचिव अनंतराव उंबरे यांच्या हस्ते ध्वजारोहण करण्यात आले .व मिठाई वाटप करून सर्वाना स्वातंत्र्य दिनाच्या शुभेच्या दिल्या व मार्गदर्शन करण्यात आले .   

    नंतर विद्यार्थ्यांनी देशभक्तीपर गीते सादर करून वातावरण स्फूर्तीमय केले विद्यार्थ्यांनी विविध गुणोत्तरर्शनामध्ये चिमुकल्यांनी देशभक्तीपर गीतांवर नृत्य सादर करून सर्वांची वाहवा मिळवली. 

शाळेचे मुख्याध्यापक बचाटे सर यांच्या प्रोत्साहनाने व कलाशिक्षक अमोल शिंदे सर यांच्या मार्गदर्शनाने विद्यार्थ्यांनी मोठ्या प्रमाणात रांगोळी व चित्र प्रदर्शनामध्ये उत्स्फूर्त सहभाग नोंदवला. सदर प्रदर्शन पाहण्यासाठी सर्व पालकांसाठी खुले करण्यात आले होते. व या प्रदर्शनास पालक व विद्यार्थी वर्गाने भेट देऊन मुख्याध्यापक,विद्यार्थी व कला शिक्षकाचे कौतुक केले.त्यावेळी विद्यार्थी पालक मोठ्या संखेने उपस्थित होते .