बोरी नदीवर नवीन पुल बांधून कायमस्वरूपी रस्ता करण्याच्या मागणीसाठी बोरी नदीत करण्यात आले लक्षवेधी जलसमाधी आंदोलन
नळदुर्ग :- तुळजापूर तालुक्यातील येडोळा येथे बोरी नदीच्या पाण्यात के.टी.बंधाऱ्या जवळ बोरीनदीवर पुलाचे बांधकाम त्वरित करुन दळणवळणासाठी कायमस्वरूपी रस्ता करण्यात यावा या मागणी साठी रिपब्लिकन पार्टी आँफ इंडिया (आठवले) येडोळा शाखा व ग्रामस्थांच्या वतीने रिपाइंचे जिल्हा सरचिटणीस तानाजी कदम,जिल्हा सचिव एस.के.गायकवाड, जिल्हा उपाध्यक्ष बाबासाहेब बनसोडे, युवाआघाडी जिल्हा कार्याध्यक्ष अरुण लोखंडे, तालुका अध्यक्ष बाबासाहेब मस्के यांच्या नेतृत्वाखाली १३ सप्टेंबर रोजी सकाळी ११.३० वा.बोरी नदीत लक्षवेधी जलसमाधी आंदोलन करण्यात आले.
सर्वप्रथम डॉ.बाबासाहेब आंबेडकर व छत्रपती शिवाजी महाराज यांच्या प्रतिमेचे व छत्रपती शिवाजी महाराज यांचे वंशज शुभासरदार जानोजीराव भोसले समाधी स्थळाचे पुजन करून आंदोलनाची सुरुवात करण्यात आली. यावेळी तहसीलदार यांना दिलेल्या निवेदनात असे म्हटले आहे की, नळदुर्ग येथून निघणारी बोरी नदी ही येडोळा गावा जवळून वहाते.पावसाळ्यात बोरी नदीला पुर आला की,येडोळा गाव ते येडोळा पाटी (कंदुरमळा) हा रस्ता बंद होऊन दैनंदिन व्यवहाराचे मुख्य ठिकाणी असलेल्या नळदुर्गचा संपर्क तुटतो.व येथील ग्रामस्था समोर अनेक अडचणी निर्माण होतात.त्यामुळे या नदीवर येडोळा गाव ते येडोळा पाटी या रस्त्याला जोडणाऱ्या नवीन पुलाचे बांधकाम त्वरित करून दळणवळणासाठी कायम स्वरूपी रस्त्याची सोय करण्यात यावी अशी मागणी करण्यात आली आहे. या आंदोलनाच्या वेळी इंद्रजित जाधव,शाहूराज पाटील, प्रभाकर पाटील, चेतन जाधव,भाजपचे तालुका उपाध्यक्ष, नवनाथ आबा जाधव,बलभीम जाधव,ज्ञानेश्वर जाधव,सुधीरसिंग परिहार ,अजित जाधव,लिंबराज जाधव, माजी सैनिक राजेंद्र जाधव,दिगंबर पाटील, दत्ता शेगर,पारधी संघटनेचे राज्य अध्यक्ष पंडीत भोसले,रिपाइंचे आल्पसंख्याक आघाडीचे तालुका अध्यक्ष बाशीद कुरेशी,जेष्ठ कार्यकर्ते राम लोंढे , तालुका संघटक सुरेश लोंढे, शाखा अध्यक्ष देवानंद लोंढे, उपाध्यक्ष मारूती लोंढे ,शाखा सचिव भानुदास लोंढे,सोपान गायकवाड, प्रविण कांबळे, लक्ष्मण लोंढे, अनिल लोंढे,रिपाइं बंजारा आघाडीचे आनंद चव्हाण ,धोंडीबा रठोड,परमेश्वर राठोड,सुरेश पवार,भूषण पवार,बाबु राठोड ग्रामसेविका एस.एस.गोरे उपसरपंच लक्ष्मीताई जाधव सह ग्रामस्थ,महिला मोठ्या संख्येने उपस्थित होते.याप्रसंगी तहसीलदारचे प्रतिनिधी म्हणून नायब तहसीलदार शिंदे यानी निवेदन स्विकारले. यावेळी अनुचित प्रकार घडू नये याकरिता नळदुर्ग पोलीस ठाण्याचे स.पो.नी.जगदीश राऊत यांच्या मार्गदर्शनाखाली चोख बंदोबस्त ठेवण्यात आला होता.
